TFK / The Flying Koteletts

D'Vögel Giger/Giger

hüt isch en guetä Tag gsi
und d’Nacht – diä fangt erscht a
he bring doch no ä Fläsche
stoss nomol mit üs a

und ersch wenn mer alli leer händ
denn stönd mer villicht uf
hebs Glas nomol i d’Mitti
jo da isch en altä Bruch

drum hol doch no än Rootä
ä Bier – villicht au zwei
solang d’Vögel no nöd pfiffed
gömmer au nöd hei

's isch hüt en guetä Tag gsi
und d’Nacht – diä fangt erscht a
hey bring mer no ä Fläsche
und stoss nomol mit mer a

und ersch wenn mer alli leer händ
denn stönd mer villicht uf
hebs Glas nomol i d’Mitti
jo das isch en altä Bruch

jo d’Bänd het ufghört schpielä
und dä Bodä isch scho gwüscht
doch üsi chlini Rundi
diä isch no ziemlich frisch

mer verzelled Räubergschichtä
doch keini isch ganz echt
chumm mer träumed no äs Wieli
vo vergangnä lange Nächt

dä Äxel stitzt as Piano
er stimmt Alperose a
jo d’Lüt – diä sind scho gangä
doch Musig isch no do

sie hockt i üsre Herzä
dä Rock – dä Soul – dä Blues
drum spieled mer au wieter
bis zu üsem letschtä Schnuf