TFK / The Flying Koteletts

Summer Giger/Mazenauer

wenn du hüt dä Summer gsesch
denn säg em doch en Gruess
und dass mer uf en warted
und er sölli nöd so tue
vo all dem graue Näbel
jo do hämmer langsam gnueg
er sölli cho – i üsen Garte
er tegi üs so guet

wenn du hüt dä Summer gsesch
denn nimm en eifach mit
und wenn er seit, da gängi nöd
denn säg – mer heget Zit
für all die warme Öbig
wo er üs immer bringt
wenn du hüt dä Summer gsesch
denn nimm en eifach mit

oh Summer – blib no do
oh Summer – blib no do
oh Summer – blib no do
mer schenket der au üsi Zit
chasch di uf üs verlo

und sitzt er dänn a üsem Tisch
denn fröged mer en us
wieso dass er erscht cho seg
woner gsi sig dä Winter dür
er bsuechi alli andre Lüt
uf dä ganze Welt
und d’Wärmi hege mer sowieso
mer chönd si chaufe mit üsem Geld

bevor er goht – verschpricht er üs
dass er wieder chunt
er schicki au ä Charte
wo immer er au seg
mit all dä vielä Wünsche
vo dä Mensche wit ewäg
wo froh sind – dass si warm händ
und dass d’Sunne wieder schint